Авторизация У нас бесплатно модули и шаблоны DLE скачать Веб-шаблоны премиум класса бесплатно
GOLLAR.UZ
P
  • 14:23 – Manba: Messi 2021 yilda «Barselona»dan ketadi 
  • 16:03 – Rasman: Xabib Nurmagomedov va Toni Fergyuson jang sanasi ma’lum bo‘ldi 
  • 09:53 – Manba: Ronaldu mavsum so‘nggida «Yuventus»ni tark etadi 

"Liverpul" klubi tarixi

Tashkil topishi

“Liverpul” klubi “Everton” qo‘mitasi bilan uning prezidenti va “Enfild”dagi yerning xo‘jayini Jon Xoulding o‘rtasida kelib chiqqan ijara to‘lovi nizosi sababli tashkil qilingan. “Everton” Enfildda sakkiz yil faoliyat ko‘rsatgandan keyin 1892 yil “Gudison park”ka ko‘chib o‘tdi. Xoulding esa Enfild uchun yangi klub tuzdi va uni “Everton Atletik” deb nomladi. 1892 yilning iyunida Angliya futbol assosiasiyasi bu klubni “Everton” deb qabul qilmadi va natijada klub shahar nomiga “Liverpul” deb nomlandi.

 

Rivojlanish davri

Klub faoliyatini Lankashir ligasida boshladi. Ikki yildan so‘ng 1893/94 mavsumda Ikkinchi diviziondan joy olib, Futbol ligasiga kirdi. Yo‘l-yo‘lakay Birinchi divizionga ham chiqdi, ammo 1896/97 mavsumdagina unda mustahkam joylashdi.

Birinchi chempionlikni 1900/01 mavsumda qo‘lga kiritdi, besh yildan so‘ng yana chempionlikni takrorladi.

Birinchi marta Angliya kubogidagi finalga 1914 yil chiqdi va “Bernli”ga 0:1 hisobida yutqazib qo‘ydi. 1921/22 va 1922/23 mavsumlarda ketma-ket ikki marta chempionlikni qo‘lga kiritgandan so‘ng “Liverpul” 1947 yilgacha bironta sovrinni yuta olmadi. Shu yili beshinchi chempionlik qo‘lga kiritildi. 1950 yil yana Kubok finaliga chiqdi va yana mag‘lubiyatga uchradi, bu safar – “Arsenal”ga 0:2.

1953/54 mavsumda ikkinchi divizionga tushib ketdi va o‘sha mavsum Angliya kubogida “Vuster Siti” nomli professional bo‘lmagan jamoaga yutqazishga ham ulgurdi.

 

1956-1985

Bu inqirozdan so‘ng jamoaga menejer etib Bill Shenkli tayinlandi. Klub 1961/62 mavsumga kelib yana Birinchi divizionga qaytdi. 1963/64 mavsumda 17 yillik tanaffusdan so‘ng yana bir chempionlikka erishdi. 1966 yilda 7-chempionlik qo‘lga kiritildi, undan bir yil avval “Lids Yunayted”ni qo‘shimcha vaqtda mag‘lub etib birinchi Angliya kubogi qo‘lga kiritildi.

1973 yil UYEFA kubogi finalida “Borussiya Myonxengladbax”ni 3:0 hisobida tor-mor etdi. Bir yil o‘tib Angliya kubogi qo‘lga kritilganidan so‘ng, Shenkli o‘rnini o‘z yordamchisi Bob Peysliga bo‘shatib berdi.

Peysli Shenklidan ham omadli chiqib qoldi. 1975/76 mavsumda chempionat va UYEFA kubogida g‘alaba, bir yil o‘tib yana ligadagi chempionlik va birinchi bor Yevropa chempionlari kubogi qo‘lga kiritildi. Chempionlar ligasi finalidagi raqiblari yana o‘sha “Borussiya Myonxengladbax”, bu safar hisob 3:1 bo‘ldi. Klub Peysli davridagi 9 mavsumda 21 bitta sovrin yutdi, jumladan, 3 marta chempionlar kubogi, 1 marta UYEFA kubogi, 6 marta Angliya chempionligi, 3 marta ketma-ket Futbol ligasi kubogi. Peysli erisha olmagan yagona sovrin Angliya kubogi bo‘ldi.

1983 yil Peysli ham Shenkli singari o‘z o‘rnini yordamchisi Jo Feganga bo‘shatib berdi. Feganning birinchi mavsumida “Liverpul” uchta sovrinni yutdi: chempionat, Futbol ligasi kubogi va Yevropa chempionlari kubogi va bir yilda uch sovrinni qo‘lga kiritgan Angliyaning birinchi klubi bo‘ldi.

1985 yilda Yevropa chempionlari kubogi finaliga yetib keldi. Bryussel shahrida o‘tgan finalda “Yuventus” raqib bo‘ldi. O‘yin boshlangunga qadar fojea ro‘y berdi: “Liverpul” fanatlari ikki tomonni ajratib turuvchi to‘siqlarni yiqitib, “Yuventus” fanatlaria tashlandilar. Oqibatda 39 kishi halok bo‘ldi, halok bo‘lganlar asosan italyanlar edi. O‘yin to‘xtatilmadi va “Liverpul” 0:1 hisobida mag‘lub bo‘ldi. Shundan so‘ng Angliya klublari 5 yilga yevrokuboklarda qatnashish huquqidan mahrum qilindi, “Liverpul” esa 10 yillik taqiq oldi. Keyinroq bu muddat 6 yilga qisqartirildi. 14 ishqiboz sudlandi.

 

1985 yildan hozirga qadar bo‘lgan davr

Fojeadan so‘ng Fegan iste’fo berdi. Kenni Dalglish o‘ynovchi-murabbiy etib tayinladi. Uning davrida klub uch bora Angliya chempionati va ikki marta Angliya kubogini yutdi. “Liverpul”ning zafarlari yana bir fojea bilan bulg‘andi. 1989 yilning 15 aprelida “Nottingem Forest” bilan kechgan Angliya kubogi finalida Sheffildagi “Xillsboro” stadionida yuzaga kelgan bosim oqibatida 93 kishi joyida halok bo‘ldi. Ikki kishi shifoxonada jon berdi. Oxirgi ishqiboz to‘rt yildan so‘ng o‘ziga kelmay vafot etdi.

“Liverpul” 1989 yil chempionatning so‘nggi turida o‘z maydonida chempionlikni “Arsenal”ga topshirib qo‘yadi. 1991 yil Dalglish iste’foga chiqarildi.

Undan so‘ng Grem Suness rulga o‘tiradi. 1992 yilda Angliya kubogidan boshqa sovrin yutilmagach, 1994 yil uning o‘rniga Roy Evans tayinlanadi. Evansning ham sovrini bitta bo‘ldi, xolos – 1995 yildagi Futbol ligasi kubogi. 1998/99 mavsumda Evans Jerar Ulye bilan birgalikda klubni boshqara boshlaydi, ammo 1998 yilni kuzida Evans iste’foga chiqqach, Ulyening o‘zi qoladi. Jerar Ulye o‘zining ikkinchi mavsumida birato‘la uch sovrinni qo‘la kiritadi: Angliya kubogi, Liga kubogi va UYEFA kubogi.

Uning iste’fosidan so‘ng kelgan Rafael Benitesning birinchi mavsumida “Liverpul” chempionatda beshinchi o‘rinni egallaydi, ammo finalda “Milan”nni 3:2 hisobida mag‘lub etib, Yevropa chempionlar ligasi g‘olibi bo‘ladi.

2010 yil Benites iste’foga chiqariladi, uning o‘rniga Roy Xojson keladi. Yetti oydan so‘ng u ham iste’fo beradi va klub bilan avval chempionlikka erishgan shotlandiyalik Kenni Dalglish yana rulga o‘tiradi.

2012 yil Kenni Dalglish ham iste’foga chiqarildi va “Suonsi Siti” bosh murabbiyi Brendan Rodjers “Liverpul”ni boshqara boshladi.

Klub erishgan sovrinlar:

Angliya chempionligi (18):
1900-01, 1905-06, 1921-22,
1922-23, 1946-47, 1963-64,
1965-66, 1972-73, 1975-76,
1976-77, 1978-79, 1979-80,
1981-82, 1982-83, 1983-84,
1985-86, 1987-88, 1989-90
Angliya kubogi (7):1965, 1974,
1986, 1989, 1992, 2001, 2006
Liga kubogi: (7): 1981, 1982,
1983, 1984, 1995, 2001, 2003
Angliya superkubogi (15): 1964,
1965, 1966, 1974, 1976, 1977,
1979, 1980, 1982, 1986, 1988,
1989, 1990, 2001, 2006
Yevropa chempionlari kubogi/
UEFA chempionlar ligasi (6):
1977, 1978, 1981, 1984, 2005, 2019
UEFA kubogi (3): 1973, 1976,
2001
UEFA superkubogi (3): 1977,
2001, 2005.  

Klub tarkibi:

Alisson, Trent-Aleksandr Arnold, Deyan Lovren, Virjil van Deyk, Enryu Robertson, Fabino, Jorjino Veynaldum, Jeyms Milner, Sadio Mane, Muhammad Salax, Roberto Firmino.

Zaxiradagilar: Kellexer, Jo Gomez, Nabi Keyta, Xenderson, Elliot, Lallana, Origi, Adrian
рейтинг:
  • Не нравится
  • 0
  • Нравится
Оставить комментарий
иконка
Посетители, находящиеся в группе Гости, не могут оставлять комментарии к данной публикации.